Ҳаводан электр ишлаб чиқарадиган генератор яратилди
У бир ҳафтада бир неча юз милливольтга тенг энергия ишлаб чиқара олди.
Массачусетс университети олимлари ҳаводан электр энергияси ишлаб чиқарадиган қурилма ишлаб чиқди, дея хабар бермоқда “Янги Ўзбекистон” нашри.
Ўлчами 100 нанометрдан кам бўлган микроскопик тешикларга асосланган янги “ҳаво генератори” ёки Air-gen қурилмаси инсон сочидан минг марта кичик бўлиб, ҳаводаги сув томчиларидан электр энергиясини қабул қила олади.
Нам ҳаво Air-gen материалидаги кичик тешикларидан ўтганда, сув молекулалари биринчи навбатда плёнканинг юқори, кейин эса пастки қисми билан алоқага киришади. Бу зарядларнинг, яъни электр энергиясининг номутаносиблигини келтириб чиқаради.
Бундан ташқари, кейинги тадқиқот натижалари 100 нанометр ёки ундан кичик бўлган деярли ҳар қандай материал Air-gen қурилмасига айланиши мумкинлигини кўрсатди.
Тадқиқотчилар бу технология қазиб олинадиган ёнилғига муқобил бўлиб, иқлим ўзгаришига қарши курашда ёрдам бериши мумкинлигига умид қилмоқда.
