Саратонни бир неча дақиқада аниқловчи тест яратилди

 

Буюк Британияда саратон касаллигини бир неча дақиқада аниқлаш мумкин бўлган тест яратилди. Тест орқали ўсимтанинг дастлабки босқичларида, ҳали ҳеч қандай аломатлар бўлмаганда ҳам ташхис қўйиш имконини беради.

 

Унинг аниқлиги 90 фоизни ташкил этди. Ушбу нафас тести, биринчи навбатда, ичак, қизилўнгач, ошқозон ва ошқозоности бези саратонини аниқлашга қаратилган. Лондон Империал коллежи олимлари жамоаси бир неча йиллардан бери бир неча юз киши иштирокида клиник синовлар ўтказмоқда. Мутахассислар бунинг учун пластик қувурлардан фойдаланган. Асбобларнинг ички қисмини қоплайдиган материал буғ ва газларни ушлаб туради.

 

Синов пайтида нафас чиқарилган ҳавода қизилўнгач ва ошқозон саратони билан оғриган беморларга хос бўлган бирикмалар топилади. Малигн ҳужайралар учувчи органик бирикмалар ҳосил қилади ва улар шифокорларга ташхисни аниқлашга ёрдам беради. Бугунги кунда ошқозон ва қизилўнгач саратонини ташхислашнинг асосий усули гастроскопия ҳисобланади. Жараён инвазив ва қиммат. Аксарият тиббиёт муассасаларида уни ўтказиш имконияти йўқ. Олимлар жамоасининг вазифаси муқобил ва айни пайтда касалликни аниқлашнинг арзон усулини топишдир.