Yaponiyaning Kyusyu oroli hududida 6,9 va 7,1 magnitudali ketma-ket ikkita zilzila sodir bo‘ldi. Bu haqida Milliy meteorologiya boshqarmasi maʼlum qildi.
Zilzila epitsentri Miyazak prefekturasi yaqinida bo‘lib, uning o‘chog‘i okean tubining 30 kilometr chuqurligida joylashgan.
Hodisa oqibatida tan jarohati olganlar haqida hozircha maʼlumot yo‘q. Zilzila tufayli ayrim hududlarda tezyurar poyezdlari harakati to‘xtatilgan. Shuningdek, mintaqadagi Senday va Ikata atom elektr stansiyalari tekshirilmoqda.