Yevropa Ittifoqi delegatsiyasi Eronga yadro kelishuvini muhokama qilish uchun boradi. Bu haqda "TASS" xabar berdi.
Yevroittifoq tashqi siyosiy xizmati siyosiy direktori Enrike Mora o‘z Twitter sahifasida Tehronga tashrif buyurishini yozgan.
"Ertaga (26-mart) Eronga Ali Bageri Kani [yadro kelishuvi bo‘yicha muzokaralarda Eron delegatsiyasi rahbari] bilan uchrashish uchun boraman. "Hamkorlikdagi umumiy harakatlar rejasi" bo‘yicha Vena muloqotining so‘nggi bo‘sh nuqtalarini to‘ldirish ustida ishlayapmiz. Biz muzokaralarni yakunlashimiz kerak. O‘rtaga juda ko‘p narsa tikilgan", — degan Mora.
"Hamkorlikdagi umumiy harakatlar rejasi" 2015-yilda imzolangan. U Eronning yadro dasturi atrofidagi inqirozning oldini olishga qaratilgan. Kelishuv bir tomondan Eron, ikkinchi tomondan AQSH, Buyuk Britaniya, Germaniya, Rossiya, Fransiya va Xitoy tarafidan imzolangan. Ammo 2018-yilda AQSHning o‘sha paytdagi prezidenti Donald Tramp ushbu shartnomadan chiqib ketgan. Ammo Bayden administratsiyasi uni tiklashga harakat qilmoqda. 2021-yil aprelidan buyon Venada muzokaralar qayta davom etyapti.
Muzokaralar final bosqichiga chiqqan va fevral oxiriga qadar tugallanishi kerak edi. Ammo tomonlarda muhokama qilinishi kerak bo‘lgan qo‘shimcha masalalar paydo bo‘ldi. Shu sababli hozirga qadar kelishuv imzolanmagan.
Avvalroq Oq uy Trampni Eron yadro dasturini tezlashtirishda ayblangandi.