Германияда парламент сайловида дастлабки натижаларга кўра, Социал-демократик партия ғалаба қозонган
Аввал хабар қилганимиздек, кеча Германияда парламент сайловлари бошланган эди. Бугун унинг дастлабки натижалари эълон қилинди. Унга кўра, Социал-демократик партия сайловда ғалаба қозонган. Бу партия 25.7 фоиз овоз олишга муваффақ бўлган.
Германия марказий сайлов комиссиясининг маълум қилишича, иккинчи ўринни амалдаги ҳукмрон партия — Христиан Демократлари ва Христиан-социал иттифоқи партияси эгаллаган. Унга 24.1 фоиз сайловчи ишонч билдирган. Бу — партия тарихидаги энг ёмон натижа.
Германия парламенти — Бундестагга бўлган сайловда жами 6 та сиёсий партия иштирок этган. Юқоридаги партиялардан ташқари "Яшиллар"( 14.8 фоиз ), Эркин демократик партия(11.5 фоиз ), "Германия учун муқобил" ўнг партияси (10.3 фоиз ) ва Сўл партия (4.9 фоиз) овоз олиб, Бундестагдан ўринга эга бўлган.
Ушбу сайловдан сўнг Ангела Меркель канцлерлик лавозимини тарк этади. У Германияни 2005 йилдан буён бошқаради. Армин Лашет Меркелнинг вориси сифатида кўрилаётган эди. Аммо сайлов натижаларига кўра, энди у канцлер бўла олмайди.
Аввалроқ Ангела Меркель канцлерлик лавозимидан кетгандан сўнг 15 минг евро нафақа олиши маълум қилинганди.
Жаҳонгир Қўзиев
