Франция собиқ президенти қамоққа ҳукм қилинди
Франция собиқ президенти Николя Саркози уй қамоғига ҳукм қилинди. Бу ҳақда “ТАСС” хабар берди.
Маълум бўлишича, собиқ президент 2012 йилги сайлов компанияси даврида қонунчиликда белгиланганидан кўп маблағ сарфлаган. Суд хулосасига кўра, Саркози белгиланган лимитдаги пулни сарфлаб бўлганидан кейин ҳам сайловолди митингларни ўтказишда давом этган. Бунинг оқибатида қонунда белгиланган 22 миллион евро ўрнига 42 миллион ишлатган.
Саркозининг ўзи судга келмаган. Унга 1 йил уй қамоғи тайинланган.
Маълумот ўрнида: Николя Саркози 2007-2012 йилларда Францияни бошқарган.
Аввалроқ Франция АҚШ ва Австралиядаги элчиларини чақириб олгани ҳамда НАТОни тарк этмаслиги ҳақида хабар берилганди.
Жаҳонгир Қўзиев
