Муносабатлардаги инқироз ҳақида Франция ТИВ раҳбари Жан-Ив Ле Дриан фикр билдирган. “Кейинги ой Парижда НАТОнинг янги концепцияси муҳокама қилинади. Албатта, сўнгги воқеалар (AUUKUS тузилиши, Франциянинг АҚШ ва Австралиядан элчиларини чақириб олиши) ушбу концепцияга таъсир кўрсатмай қолмайди”, — деган Ле Дриан.
Шунингдек, Франция ташқи ишлар вазири Вашингтон билан муносабатлари совуқлашганига қарамай, Париж НАТОдан чиқмаслигини маълум қилган.
Маълумот ўрнида: 16 сентябрь куни АҚШ Буюк Британия ва Австралия билан ҳарбий ҳамкорликни кенгайтириш юзасидан келишувга эришди. Унга кўра, уч томонлама киберхавфсизлик, флот ва бошқа соҳаларда ҳамкорлик йўлга қўйилади. Шунингдек, Австралияга атом сувости кемалари берилади. Бунга жавобан Хитойнинг АҚШдаги элчиси Вашингтондан совуқ уруш даврини такрорлайдиган бундай фикрлардан воз кечишни талаб қилди.
Эслатиб ўтамиз, бундан аввал Франция АҚШ ва Австралиядан элчиларини чақириб олган эди.
Париж НАТОни тарк этадими? Франция ТИВ жавоб берди
Париж АҚШ билан муносабатларида инқироз юз берганини маълум қилди. Бу ҳақда “Риа Новости” хабар берди.
