Сенат раиси Ўзбекистон қизларини байрам билан табриклади

 

 

 Сана муносабати билан Олий Мажлис Сенати раиси Танзила Нарбаева ижтимоий тармоқдаги саҳифаси орқали табрик йўллади.

 

"Қизлар учун барча зарур шароитларни яратиб, биз дунёни яхши томонга ўзгартира оладиган янги авлод етакчи хотин-қизларини тарбиялаймиз! 

Ва бугунги кунда бизнинг саъй-ҳаракатларимиз ҳамда интилишларимиз барча қизларимиз соғлом ва ҳимояланган, муносиб таълим олиб, бандлиги таъминланган, шунингдек, мамлакатнинг ижтимоий ва сиёсий ҳаётида фаол иштирок этиш имкониятига эга бўладиган дунёни яратишга қаратилган.

Ҳаммамиз Ўзбекистонимизнинг жондан азиз қизалоқларини бахтли кўришни истаймиз. Қизларимизнинг фаровон келажаги учун барчангизни янада масъулиятлироқ бўлишга чақириб қоламан!" — дея ёзиб қолдирган Сенат раиси.

 

Маълумот учун, БМТ Бош Ассамблеясининг 2011 йил 19 декабрдаги резолюциясига асосан, 11 октябрь  — “Халқаро қизлар куни” деб эълон қилинган. Ушбу сана ҳар йили жаҳон бўйлаб турли давлатларда қизларнинг камситилиши, уларнинг ижтимоий муаммоларига эътибор қаратиш мақсадида нишонланиб келинмоқда. Бу муаммоларга мажбурий никоҳ, уларнинг таълим ва соғлиқни сақлаш хизматларидан фойдаланишларини таъминлаш каби ҳолатлар киради.

 

Бундан аввалроқ парламент аёл раҳбарларининг навбатдаги саммити Ўзбекистонда бўлиши ҳамда Туркманистонда Марказий Осиё етакчи аёллари мулоқотининг форуми бўлиб ўтгани ҳақида хабар қилинганди.