Қирғизистон Президенти админстрациясида порахўр амалдор аниқланди
Қирғизистон Президенти админстрациясида коррупцион схема йўлга қўйган амалдор қўлга олинди. Бу ҳақда Миллий хавфсизлик давлат қўмитасига таяниб “Спутник Кыргысизтан” маълум қилди.
Гап президент админстациясидаги афв комиссияси ҳақида кетмоқда. Тергов маълумотларига кўра, комиссия котиби озодликдан маҳрум этилганларнинг муддатидан олдин озод қилиниши учун пора талаб қилган.амалдор 170 минг сом олаётган пайтда қўлга олинди.
“Афв этилиши ва муддатдан олдин озод қилиниши керак бўлган шахсларнинг рўйхатини тузишда яхши йўлга қўйилган коррупцион схема аниқланди”, – дейилади Миллий хавфсизлик давлат қўмитаси маълумотида.
Аввалроқ Қирғизистон собиқ президентига янги айбловлар қўйилгани ҳамда 2017-2020 йилларда Қирғизистон раҳбари бўлган Сооронбай Жээнбеков ҳам терговга чақирилгани хабар қилинганди.
