2021 йилнинг январь ойидан  буён аҳоли даромадлари  ўрта ҳисобда қанчага ошгани маълум қилинди

 

Қайд этилишича, 2021 йилнинг январь-сентябрь ойида шаклланган иқтисодий шароитларда, яъни пандемия даврида иқтисодиётни қўллаб-қувватлаш борасида давлат  ва банк тизими томонидан кўрилган чора-тадбирлар бугунги кунда иқтисодий фаоллик, ишлаб чиқариш суръатларини пандемиягача бўлган ўсиш траекториясига чиқиб олишига имкон берган.

 

 Шунингдек, 2021 йил 9 ойи якунлари бўйича ялпи ички маҳсулотнинг реал ўсиши эса 6,9 фоизни ташкил этди. Ўтган йил билан таққаосланганда:

 

–  саноатда ишлаб чиқариш ҳажмлари – 9 фоизга;

–  қишлоқ хўжалигида – 4,2 фоизга;

–  қурилиш соҳаси – 4,5 фоизга;

–  асосий капиталга йўналтирилган инвестициялар – 5 фоизга ўсган.

 

  Бундан ташқари, 2021 йилнинг 9 ойи якунлари бўйича аҳоли даромадлари реал ҳисобда 10,4 фоизга ошган.

 

  Марказий банк бошқаруви раисининг маърузаси давомида келтирлган рақамларни қуйидагича изоҳлайди:

 

“Иқтисодиётнинг барча соҳаларида ҳам бир хил юқори тикланиш суръатлари кузатилмаяпти. Ички ва ташқи туризм, йўловчи ташиш, автомобиль ишлаб чиқариш умумий овқатланиш соҳалари ҳали ҳам 2019 йил даражасига етгани йўқ. Истиқболда  ушбу соҳаларда ҳам шу соҳадаги жараёнларнинг тўлиқ тикланиши юқори иқтисодий ўсиш кўрсаткичларини қўллаб-қувватловчи омил бўлади”. 

 

Эслатиб ўтамиз, бундан аввал Сенат айрим озиқ-овқат маҳсулотлари қўшилган қиймат солиғидан озод қилиш ҳақидаги қоннуни маъқуллагани ҳамда Ўзбекистоннинг иқтисодий кўрсаткичи 10 фоизга ошгани ҳақида хабар берилганди.

 

 

Чўлпоной Аҳмедова