Амур вилоятида поезд юк машинаси билан тўқнашиб кетди
Ҳодиса Москва вақти билан эрталабки соат 4.58 да Ледяная бекатидаги темир йўл кесишмасида содир бўлган.
Тўқнашув оқибатида поезднинг 14 та вагони рельсдан чиқиб ағдарилиб кетган.
Гувоҳларнинг айтишича, машинист тормозни зудлик билан босган, аммо ўртадаги масофа жуда қисқа бўлгани сабаб, тўхтатишнинг имкони бўлмаган. Жароҳат олган темир йўл ходимлари зудлик билан яқин атрофдаги касалхонага жойлаштирилган. Юк машинаси ҳайдовчиси эса воқеа жойида вафот этган.
Бундан аввал Токиода поездда йўловчиларга пичоқ билан таҳдид қилган кимса қўлга олингани ҳамда Темир йўлда ухлаб қолган шахс поезд ва кесишмадаги автомобиллар ҳаракати тўхташига сабаб бўлгани ҳақида хабар берилганди.
Муножат Валиева
