Меркель: Путин билан 20 йилдан буён келишмовчилигимиз бор
Германия канцлери Қримни Россияга қўшиб олиниши унинг учун кутилмаган ҳодиса бўлганини маълум қилган.
Ангела Меркель 2001 йилдан буён Путин билан келиша олмаётганини маълум қилди. Бу ҳақда канцлер Suddeutsche Zeitung нашрига берган интервьюсида айтган.
Унинг сўзларига кўра, Путин билан илк бор 2001 йилда, унинг Бундестагдаги чиқишида дуч келган. Россия президенти ўшанда собиқ Иттифоқнинг парчаланиши унинг учун фожиа эканини айтган эди. Меркель эса “Биз, аксинча, совуқ уруш тугаганига, Германия ва Европа бирлиги таъминланганига хурсандмиз”, – деб фикр билдирган.
Шунингдек, Германия канцлери Қримни Россияга қўшиб олиниши унинг учун кутилмаган ҳодиса бўлганини маълум қилган.
Бундан аввал Ангела Меркель Беларусни огоҳлантиргани ҳамда Германия ҳукумати Афғонистонда қанча маблағ сарфлагани хабар қилинганди.
Жаҳонгир Қўзиев
