Харажатларнинг энг катта қисми ҳарбийлар таъминотига тўғри келган.
“2001-2021 йилларда Афғонистондаги операцияларга қўшимча 12.3 миллиард евро сарфланган. Бу асосан ҳарбий миссиянинг кенгайтирилиши туфайли бўлган”, – дейилади хабарда.
Шунингдек, Германия ТИВ турли лойиҳаларга 2.48 миллиард евро ажратган. Аммо бу харажатлар ТИВ ходимлари таъминоти ва амалиётларини ўз ичига олмайди. Бундан ташқари Германия иқтисодий ҳамкорлик ва тараққиёт масалалари вазирлиги Афғонистонга 2.46 миллиард евро, Озиқ-овқат ва қишлоқ хўжалиги вазирлиги 33 миллион евро маблағ ажратган.
Ушбу ҳисоботда Германия разведкаси харажатлари қайд этилмаган. Германия ҳукуматининг маълум қилишича, бу турдаги маълумотларни ошкор қилиш разведка хизматининг фаолиятига жиддий тўсқинлик қилиши мумкин.
Германия Афғонистондаги иштирокини 2021 йил июнида якунлади. Сўнгги йилларда Афғонистон ҳудудида мингга яқин немис ҳарбийлари бўлган. Уларнинг аксарияти ҳарбий маслаҳатчи вазифасини бажарган.
Бундан аввал Россия ТИВ Афғонистонга асосий ёрдамни АҚШ бериши лозимлигини маълум қилганди. Шунингдек, Афғонистонда қанча бола тўйиб овқатланмаслиги хабар қилинганди.
Жаҳонгир Қўзиев