Ўлик денгизида минглаб ўралар пайдо бўлди
Бунга экологик омиллар сабаб бўлган.
Уларнинг чуқурлиги айрим жойларда 10 метрдан ортиқни ташкил этмоқда. Бу ҳақда “24.kz” сайти хабар берди.
Маълум қилинишича, ер маҳаллий аҳоли оёқлари остидан ўпирилиб кетишни бошлаган. Ҳозирда ўраларнинг сони мингдан ошиб кетди. Уларнинг чуқурлиги айрим жойларда 10 метрдан ортиқни ташкил этмоқда. Олимларнинг фикрича, бу денгиз ҳажми камайиб кетиши билан боғлиқ. Ҳар йили Ўлик денгизи бир метрдан ортга чекинмоқда. Бунга асосий сабаб – сувдан қишлоқ хўжалиги мақсадида фойдаланиш ҳамда ундан чучук сувни ажратиб олиш.
Шунингдек, глобал иқлим исиши ҳам денгиз ҳажми тобора камайиб кетишига сабаб бўлмоқда. Ҳозирда экофаоллар муаммога жаҳон ҳамжамияти эътиборини жалб қилишга ҳаракат қилмоқда.
Бундан аввал Глазгодаги иқлим конференциясида муҳим декларация қабул қилингани ҳамда Олимлар глобал иқлим исиши туфайли Ерда ҳаёт чидаб бўлмас даражага етишидан огоҳлантиргани ҳақида хабар қилинганди.
Жаҳонгир Қўзиев
