Цюрих (Швейцария) клиникаси кардиологлари Ўзбекистонда жарроҳлик амалиётларини олиб боради
8-17 ноябрь кунлари швейцариялик шифокорлар беморларни тиббий кўрикдан ўтказади.
Бугун Ўзбекистонга Цюрих (Швейцария) клиникасининг юракни даволаш ва жарроҳликка ихтисослашган шифокорлар гуруҳи келади.
"Дунё" ахборот агентлиги хабарига кўра, 8-17 ноябрь кунлари швейцариялик шифокорлар беморларни тиббий кўрикдан ўтказади. Туғма юрак нуқсонлари бўлган кишиларни операция қилади, аортокоронар ва миниинвазив жарроҳлик амалиётларини олиб боради.
Қайд этилишича, улар томонидан ўзбекистонлик ҳамкасблари учун интервенцион кардиологиянинг замонавий усулларидан фойдаланиш бўйича тренинглар ва маҳорат дарсларини ўтказиш режалаштирилган.
Маълумот учун: EAH 2006 йил Цюрих шаҳрида ташкил этилган. Жамғарманинг асосий фаолияти юрак-қон томир касалликлари соҳасида малакали тиббий ёрдам кўрсатиш ва тиббиёт ходимларини тайёрлашга кўмаклашишдан иборат.
Аввалроқ мураккаб операциялар нархи Ўзбекистонда 10 баробар арзонлиги, Сурхондарёда туғма юрак нуқсони бор болаларда жарроҳлик амалиёти ўтказилиши ҳамда Ўзбекистонда йилига 50 та юрак кўчириб ўтказилиши ҳақида хабар берилганди.
