Россияда ММА устаси қўлга олинди
Спортчи панкратион бўйича Россия чемпиони ҳисобланади.
Россиянинг Внуково аэропортида аралаш жанглар устаси Салмон Жамалдаев қўлга олинди. Унинг ёнидан гиёҳванд модда топилди. Бу ҳақда "Рен-ТВ' хабар берди.
Хабарга кўра, спортчи Грозний шаҳрига учиб кетмоқчи бўлган. Унинг ёнидан наркотик моддалар топилгани учун қўлга олинган. Ҳозирда суриштирув ишлари олиб борилмоқда. Адвокати ҳам тез орада етиб келиши маълум қилинган. Қонун ҳимоячилари Москва шаҳрида 11-синф ўқувчисидан бир пакет наркотик модда топилганидан кейин Жамалдаев ҳақида билишган.
Салмон Жамалдаев панкратион бўйича Россия чемпиони ҳисобланади. Шунингдек, эркин ва юнон-рум кураши бўйича спорт устаси ҳисобланади. Олдинроқ спортчи ярим енгил вазнда WFCA ва ACА чемпиони бўлган.
Аввалроқ, Қашқадарёда 9 ёшли спортчи тўппончадан ўқ егани ҳамда Ҳабиб Нурмагомедов Россиялик спортчилардан норози бўлгани ҳақида хабар берилганди.
Муножат Валиева
