ВГИКнинг Тошкент филиали директори Элдор Юлдашевга халқаро даражадаги академик унвони берилди
Эндиликда ВГИКнинг Тошкент филиали ҳам Истанбул академияси билан профессиоанал кадрлар етиштириш бўйича ҳамкорлик алоқаларини ўрнатади.
Бутунроссия давлат кинематография институти (ВГИК)нинг Тошкент филиали директори Элдор Юлдашевга Истанбул академиясининг “Фахрий академик” унвони тақдим этилди.
Истанбул академияси – 2010 йилда ташкил этилган бўлиб, Туркия Республикасидаги биринчи ва ягона киномактаб саналади.
Киноакадемия ҳозирда “Қодир Хас” университети, Нью-Йоркнинг Колумбия университети, Италиянинг Пегасу университети билан ҳамкорликда таълим жараёнларини олиб боради. Унинг битирувчилари Туркиянинг кўзга кўринган киномутахассислари бўлиб етишган.
Аввалроқ, 22 нафар ўзбекистонлик ёшлар ВГИКда ўқиш учун юборилгани ҳамда Кинематография агентлигида С.А. Герасимов номидаги Бутунроссия давлат кинематография институти(ВГИК)нинг Тошкент филиали очилиши бўлиб ўтгани ҳақида хабар берилганди.
Муножат Валиева
