Си Цзиньпин ва Жо Байден ўртасидаги учрашув бўйича Оқ уй билан келишувга эришди
Хитой-АҚШ муносабатлари ва томонларни қизиқтирган масалалар юзасидан фикр алмашади.
Хитой Ташқи ишлар вазирлиги ХХР раиси Си Цзиньпин ва АҚШ президент Жо Байден ўртасидаги учрашув бўйича Оқ уй билан келишувга эришилганини тасдиқлади.
“Хитой ва АҚШ ўртасидаги келишувга мувофиқ, раис Си Цзиньпин 16 ноябрь куни Пекин вақти билан эрталаб АҚШ президенти Жо Байден билан видео алоқа орқали учрашиб, Хитой-АҚШ муносабатлари ва томонларни қизиқтирган масалалар юзасидан фикр алмашади", — дейилади Хитой ТИВ сайтида берилган хабарда.
Оқ уй матбуот котиби Жен Псаки АҚШ ва Хитой етакчиларининг учрашуви 15 ноябрь (Вашингтон вақти билан) кечки пайтга режалаштирилганини маълум қилганди. Унинг сўзларига кўра, томонлар АҚШ ва Хитой ўртасидаги қарама-қаршилик шароитида қандай масъулият билан ҳаракат қилиш, шунингдек, “манфаатлари тўғри келган ҳолларда” ишлашни муҳокама қилади.
Маълумот учун, Пекин ва Вашингтон ўртасидаги вақт фарқи 13 соат.
Эслатиб ўтамиз, Жозеф Байден ва Си Цзинпинь телефон орқали давлатлараро муносабатларнинг энг муҳим нуқталарини муҳокама қилганди.
Аввалроқ Ким Чен Ин ХХР Раиси Си Цзиньпинга миннатдорлик изҳор этгани ҳамда Хитой ТИВ раҳбари Ван И АҚШ давлат котиби Энтони Блинкен билан учрашгани ҳақида хабар берган эдик.
Насиба Тўхтаева
