"Журъат” қисқа метражли фильми суратга олинмоқда
Кинокартина Янги Ўзбекистонда бўлаётган ўзгаришлар, қишлоқ ҳаётидаги инсонларнинг ҳаёти ва турмуши акс эттирилган.
Кинематография агентлиги ахборот хизмати хабарига кўра, агентлик буюртмасига биноан “Ёшлик” киностудияси томонидан “Debyut start-2021” кинофестивалида ғолиб бўлган сценарий лойиҳалари асосида “Журъат" қисқа метражли фильми суратга олинмоқда.
Маълум қилинишича, ҳозирда кинокартинанинг суратга олиш ишлари якунлаб қолди. Тез орада ёш режиссёрларнинг барча фильмлари премьера қилинади.
Маълумот учун: Сценарий муаллифи ва постановкачи режиссёр Муроджон Турдиев, постановкачи оператор Самижон Суннатиллаев, рассом Ҳайитали Қамбаров, картина бадиий раҳбар Матёқуб Матчонов. Актёрлар Сардор Исмоилов, Бахтиёр Раҳимов, Отабек Ҳақбердиев, Хуршид Тўхтаев, Зуфар Раимов ва бошқалар.
Эслатиб ўтамиз, “Ипак йўлида” фильми халқаро кинофестивалда ғолиб бўлганди.
Аввалроқ Туркияда “Ўзбек киноси куни” бўлиб ўтгани, “икки йўл” қисқа метражли фильми суратга олингани, “Меҳр” операциясига бағишланган ҳамда “Бир кунлик тўй” комедияси премьераси бўлиб ўтгани ҳақида хабар берилганди.
