Ким Чен Ин сўнгги бир ойда илк бор кўриниш берди
У сўнгги бор 11 октябрда омма олдида нутқ сўзлаганди.
16 ноябрь куни Ким Чен Ин сўнгги бир ой ичида илк бор омма олдида кўриниш берди. Бу ҳақда "ТАСС" хабар берди.
Маълум қилинишича, Шимолий Корея етакчиси мамлакат шимоли-ғарбида жойлашган Самчжиён шаҳрига ташриф буюрган. Бу ерда КХДРдаги энг йирик қурилиш ишлари амалга оширилмоқда.
Корея марказий телеграф агентлигининг қайд этишича, Ким Чен Ин "Самчжиёнга қурилишнинг якуний, учинчи босқичи билан шахсан танишиш мақсадида текширув билан келди".
Ким сўнгги бор омма олдида 11 октябрь куни кўриниш берган эди. Ўшанда у Пхеньянда ташкил этилган мудофаа кўргазмасида нутқ сўзлаганди.
Аввалроқ Шимолий Корея Хитой билан савдосини қайта тикламоқчи экани ҳамда КХДР хакерлари йирик фармацевтик компанияга киберҳужум уюштиргани тўғрисида хабар қилинганди.
Жаҳонгир Қўзиев
