Америка захирасидаги нефтни сотади
Мақсад жаҳон бозорида ёқилғи нархини пассйтириш эканлиги маълум қилинди.
Америка Қўшма Штатлари миллий стратегик захирадаги 50 миллион баррел нефтни сотади. Бу ҳақда президент Жо Байден маълум қилди.
Ушбу чора жаҳон бозорида нефт таклифини кўпайтириш ва шу тариқа ёқилғи нархини пасайтиришга қаратилган.
"Бугун мен таъминотни таъминлаш ва талабнинг номувофиқлигини бартараф этиш учун АҚШнинг стратегик нефт захирасининг катта қисми бозорга чиқарилишини эълон қиламан", – дейди Жо Байден.
Ҳозир АҚШ заҳираларида олти юз беш миллион баррел нефт мавжуд. Байденнинг режасига кўра, Оқ уй ўн саккиз миллион баррелини бозорга чиқаришни тезлаштиради ва кейинги йилнинг январ-апрел ойлари орасида яна 32 миллион баррел сотади.
2024 йилгача захираларни қайта тиклаш режалаштирилган. Шунингдек, бир қатор бошқа давлатлар, жумладан Ҳиндистон, Буюк Британия, Корея Республикаси ва Япония ҳам нефт захираларининг бир қисмини сотади. Мутахассисларнинг фикрича, ОПЕК+ мамлакатлари бунга жавобан ишлаб чиқаришни қайта тиклаш ҳажмини камайтириши мумкин.
Эслатиб ўтамиз, аввалроқ дунёнинг йирик нефт компаниялари 6 ойда 825 миллиард доллар ишлаб олгани хабар берган эдик.
Шунингдек, қиш мавсумида Европада газ танқислиги юз бериши мумкинлиги ҳақида маълум қилинганди.
Насиба Тўхтаева
