Пластик картадан пул ўғирлаган шахс қўлга тушди
Фирибгар банк томонидан расмийлаштирилган пластик картасини бошқариш имкониятини қўлга киритган.
Марғилонда Х.Д исмли аёл ИИБга мурожаат қилиб пластик картасидаги маблағ фойдаланмасада ўз ўзидан камайиб бораётганини маълум қилган.
Мазкур ҳолат юзасидан Марғилон шаҳар ИИО ФМБ ҳузуридаги тергов бўлими томонидан Жиноят кодексининг 169-моддаси 3-қисми «Б» банди (ўғирлик) билан жиноят иши қўзғатилган.
Маълум бўлишича номаълум шахс, аёл тегишли банк томонидан расмийлаштирилган пластик картасини бошқариш имкониятини қўлга киритиб, сездирмасдан пластик картаси ҳисобида бўлган 600.000 сўм пулларини яширин равишда ўғирлагани аниқланган.
Олиб борилган тезкор қидирув ҳаракатлари давомида ушбу жиноятни Ш.Қ содир этганлиги аниқланиб, ҳозирда тергов ҳаракатлари олиб борилмоқда.
Аввалроқ, Фарғонада пластик картадан пул ўғирлаган шахс қўлга тушгани ҳамда Тадбиркорнинг 1 миллиард сўмини қўлга киритган фирибгар ушлангани ҳақида хабар берилганди.
Муножат Валиева
