"Мен қуролнинг тепкисини босмадим"- Алек Болдуин

 

21 октябрь куни Голливуд актёри Алек Болдуин оператор Галина Хатчинснинг "Раст" (Rust) фильми суратга олиш майдончасида отиб қўйгани ҳақида хабар берган эдик. Санта-Фе округи шерифининг маълумотларига кўра, қотиллик содир этилган вақтда қурол актёр Алек Болдуиннинг қўлида бўлган. 42 ёшли Хатчинс олган жароҳатлари туфайли шифохонада вафот этди. 48 ёшли директор Джоэл Соуз ёқа суягидан жароҳат олган.

 

Орадан анча вақт ўтиб актёр журналистлар учун илк интервьюсини берди.

 

У оммавий ахборотга револьвернинг тепкисини босмаганини айтди. Унинг сўзларига кўра, қуролдан ўқ ўз-ўзидан отилиб кетган.

 

"Сценарий кўра, мен ўзимни ярадор қилиб кўрсатиб икки йигитни чалғитишим ва шу вақт улар менга яқинлашганида тўппончани олиб уларга қарата отишим керак эди" деди Болдуин АБС телеканали мухбирига.

 

"Операторга тўппонча тепкисини босмаслигимни сўради. Хатчинс ҳам муваффақиятли отишмаларни олиш учун қуролни қандай қилиб тўғри ишлатиш кераклигини бир неча бор кўрсатди. Бироқ улар қўлимга берилган ҳақиқий тўппончани ўқланмаганлигини айтишган эди"

 

Болдуин ҳуқуқ-тартибот идоралари томонидан воқеа ҳақида расмий эълон қилинишини кута олмаслигини ва шунинг учун интервьюда ҳамма нарса ҳақида гапиришга қарор қилганини айтган.

 

Ҳозирча ҳуқуқ-тартибот идоралари ходимлари актёрга нисбатан қотиллик айбловини қўзғатилмаган. Реквизит сифатида қўлланилган тўппонча қандай шароитда отилгани ўрганилмоқда. Воқеа туфайли суратга олиш ишлари тўхтатилган.

 

Аввалроқ, Деҳлида Криминал авторитетга эга жиноятчи суд залининг ўзида отиб ўлдирилгани ҳамда Аргентинада машҳур футболчи отиб ўлдирилгани ҳақида хабар берилганди.

 

Муножат Валиева