Италияда эмланмаган фуқароларга “қизил чироқ” ёнди
COVID сертификатлари мамлакат бўйлаб эркин ҳаракатланишга имкон беради.
Италия совид сертификатларига талабларни кучайтирмоқда. Душанбадан бошлаб бутун мамлакат бўйлаб "супер талон"ларни кўрсатиш талаб қилинади.
Янги рухсатнома фақат коронавирусга қарши тўлиқ эмланган ёки COVID-19 билан касалланганлар учун амал қилади. Бу нафақат корхоналар ва жамоат транспортига киришни таъминлайди, балки ресторанлар, кинотеатрлар, театрлар ва тунги клубларга ташриф буюриш имконини беради.
"Superpass" ҳамма жойда камида 15 январгача жорий этилади. "Италия ҳозирча натижалардан мамнун. Айни пайтда Европа Иттифоқининг тобора кўпроқ давлатлари мажбурий эмлашни жорий этиш масаласини муҳокама қилмоқда. Тез орада Германияда ҳам мана шундай чоралар жорий этилиши кутилмоқда.
Аввалқроқ Австрияда эмланмаган фуқароларга нисбатан чеклов чоралари кучга киргани ҳақида хабар берилганди.
Хитойда эса эмланган фуқаролар сони рекод даражага етган.
Насиба Тўхтаева
