Қалмиқда безорилар қизни ўғирлаб кетди
Улар қизнинг оила-аъзоларини калтаклаб, турли тан жароҳатлар етказган.
Дастлабки маълумотларга кўра уйга бостириб кирганларнинг бири ўзининг 15 ёшли ўғли учун ўғирлаб кетган қизни кўз остига олиб қўйган. Аммо қиз унинг ўғлига турмушга чиқишни рад этган.
Қизнинг онасини сўзларига кўра, куёвнинг отаси тўй бўйича бир неча бор совчи бўлиб келган. Аммо 20 ёшлик Рима ўзидан 5 ёш кичик бўлган йигитга турмушга чиқишни истамаган.
Шундан сўнг жаҳлга эрк берган эркак ўзи билан дўстларини бошлаб келиб, совуқ қуроллар билан қуролланган холда қизнинг уйига бостириб киришган. Уйда қизнинг онаси ва укаси бўлган. Улар қаршилик кўрсатишган, аммо безорилар уларни аёвсиз калтаклашиб Римани олиб кетишган.
Орадан бир неча кун ўтиб қиз яширинча ота-онасига қўнғироқ қилиб, Челябинскда куёвнинг олдида эканлигини, уни куч билан ушлаб туришганини айтишга муваффақ бўлган.
Энди қизнинг ота-онаси бошқа ташвиш қийнамоқда. Уларни айтишича қиз ўғирланишдан аввал бокира бўлган. Аммо агар куёв қизга тажаввуз қилган бўлса қизни энди бошқа ҳеч ким келин қилмайди. Зеро у юрта ҳам оилада қизлар номуси ҳар нарсадан устун қўйилар экан.
Аввалроқ, Жиззахда уч киши 20 ёшли қизни ўғирлаб кетишгани ҳамда Қамашида 28 ёшли эркак 12 ёшли қизни ярим тунда ўғирлаб кетиб, зўрламоқчи бўлгани ҳақида хабар берилганди.
Муножат Валиева
