Жиззахда уч киши 20 ёшли қизни ўғирлаб кетди
Жиззах вилояти Мирзачўл тумани Мирзадала шаҳарча фуқаролар йиғинида яшовчи фуқаро ички ишлар органларига мурожаат қилиб, 2001 йилда туғилган қизи уйидан чиқиб, ишига бормаганлигини билдирган.
Олиб борилган суриштирувлар давомида қизнинг ўғирланганлиги аниқланди. Маълум бўлишича, туман марказида яшовчи уч нафар йигит жабрланувчининг қаршилик кўрсатишига қарамасдан уни «Нехиа»га мажбурлаб миндириб, Айдар-Арнасой кўллар тизими ҳудудига олиб кетган.
Мазкур ҳолат юзасидан Мирзачўл туманининг «Дўстлик» маҳалла фуқаролар йиғинида яшовчи Х.М., «Ержар» маҳалла фуқаролар йиғинида яшовчи Ҳ.М. ҳамда Б.А. га нисбатан тегишли тартибда жиноят иши қўзғатилган.
