“Толибон” мис лойиҳасини тиклаши мумкин
Айни вақтда Афғонистонда 42 та пўлат заводи мавжуд, уларда 20 минг киши ишлайди.
Бу ҳақда “Толибон” ҳаракати маданият ва ахборот вазири ўринбосари Забиҳулла Мужоҳиднинг сўзларига асосланиб TOLO NEWS хабар берди.
У Айнак конини хитойликлар 13 йил аввал шартнома имзолаш орқали амалга оширмоқчи бўлган энг муҳим лойиҳалардан бири деб атади.
Хитой коннинг тахминий ҳажмини ташкил этувчи 6 миллиард куб метр мис рудасининг 6/8 қисмини олиши керак, деб тахмин қилинмоқда.
Тоғ-кон саноати вазири Шаҳабуддин Делавер шундай дейди:
“Агар конлардан бирида ҳам ўзлаштириш, ишлаб чиқариш ва қайта ишлаш бўйича ишларни тартибга солсак, кўп муаммолар ҳал бўлади”.
У ресурсларни малакали бошқариш мамлакатда қашшоқликни йўқ қилиши мумкинлигини ҳам таъкидлаб ўтди.
Хитой бизнес вакилларининг Афғонистонга махфий ташрифи, тахминан, 1 ҳафта олдин маълум бўлган эди. Мес Айнак кони ҳам муҳокама қилинган, бироқ томонлар аниқ келишувга эришмаган.
Эслатиб ўтамиз, аввалроқ Афғонистон Ақшдан товон пули талаб қилмоқчи эканлиги ҳамда “Толибон" Хитой ва Покистонга элчи тайинламоқчи бўлаётгани ҳақида хабар берилганди.
Чўлпоной Аҳмедова
