Солиҳ: Толибон Исроил армиясидан ҳам "ўтиб тушди"
Собиқ президент Ашраф Ғанининг биринчи ўринбосари Амруллоҳ Солиҳ Фаcебоок'даги саҳифасида Толибоннинг юритаётган сиёсатини қоралади.
“Толибоннинг афғон халқига кўрсатаётган муносабати бир вақтлар Исроил армиясининг фаластинликларга қилган муомаласидан ҳам ёмонроқдир. Биз бу золим ва бўйсунмас кучга нисбатан қаршилигимизни кучайтиришимиз керак”, - деб ёзган Солиҳ.
Шунингдек, у Толибоннинг айни вақтда дунё ҳамжамиятидан кутаётган ёрдами ҳақида ҳам ёзиб ўтган:
“Тиланчилик кечаги ечим эмас, у бугун ҳам ечим бўлолмайди”.
Амруллоҳ Солиҳнинг фикрича, Толибон демократик йўл, шунингдек, дин билан Покистоннинг Афғонистондаги стратегик таъсирини кенгайтириш қуроли сифатида фойдаланган. Бу йўлда эса ҳар икки томондан минглаб ёшлар ўлдирилган.
“Толибоннинг бир тоифаси дунёга муҳтож эмаслигини айтса, иккинчиси АҚШни “сиёсий қибла” ва “инсоний ахлоқ тахти” деб атайди. Ўртада эса баҳс, диний қарашлар ҳақида ҳеч қандай гап йўқ”, - деган собиқ президент ўринбосари ўзининг ижтимоий тармоқ саҳифасида.
Аввалроқ Афғонистон президенти халққа мурожаат қилгани ҳамда Аҳмад Масъуднинг - “Биз бутун Афғонистон учун курашяпмиз” – дея айтганлари ҳақида хабар берилганди.
Оламгир Абдиев
