Россияда эркак хўрандани отиб қўйди

 

Полиция навбатчи бўлимига "Шале" ресторанига ташриф буюрганлардан бири “алкоголь ва гиёҳвандлик таъсирида бўлиб, ташриф буюрувчиларни безовта қилиб, жанжал келтириб чиқараётгани ҳақида хабар келиб тушган.

 

Ресторан ходимлари уни тинчлантиришга ҳаракат қилган. Бироқ у тинчланиш ўрнига янада кучлироқ шовқин кўтариб, муштумзўрликни давом эттирган. Уни тинчлантириш мақсадида ўртага хўрандалар ҳам аралашган. Шу вақт маст эркак чўнтагидан тўппончани чиқариб, танбеҳ берганларнинг бирнинг кўкрагига тираган ва ўқ узган.

 

Тепкини иккинчи бор босишга уринганида атрофдагилар унинг қўлидан қуролни олиб қўйишган. Эркак уларнинг қўлидан чиқиб кетиб номаълум томонга ғойиб бўлган.

 

Полиция жиноят содир этган шахсни кузатув камералари орқали аниқлаган. У Махачқалъа шаҳрида яшовчи 35 ёшли фуқаро бўлиб, кейинроқ уни ўз хонадонида ушланиб, полиция бўлимига олиб келинган.

 

Ҳозирда тергов ҳаракатлари олиб борилмоқда.

 

Аввалроқ, Пермда отишма содир этган собиқ талаба қўлга олингани ҳамда россияда полиция ходими ўзини отиб қўйгани ҳақида хабар берилганди.

 

Муножат Валиева