Футболдан завқланишга умид қиламан – Филиппе Коутиньо
“Барселона”дан ижара асосида “Астон Вилла”га ўтган Филиппе Коутиньо янги жамоаси ҳақида фикр билдирди.
“Бу ерда эканлигимдан жуда хурсандман, “Астон Вилла” катта клуб. Мен мураббий Стиви билан кўп гаплашдим ва у клуб амбициялари ҳақида гапириб берди. Мен бу ерда эканлигимдан бахтиёрман ва футболдан завқланишга умид қиламан. Мен Стивни анчадан бери биламан. У билан ўйнаганман ва ундан кўп нарсаларни ўргандим. Мухлислар билан учрашишни ва майдонга тушишни интиқлик билан кутаман”.
Эслатиб ўтамиз, “Барселона” “Астон Вилла”га бразилиялик футболчини сотиб олиш ҳуқуқи билан ижарага берди. Коутиньо маошининг катта қисмини инглиз клуби тўлайди.
Маълумот учун, Филиппе 2018 йилда “Ливерпуль”дан 140 миллион евро эвазига Каталонияга кўчиб ўтган эди.
Аввалроқ, Коутиньо “Барселона”дан кетмоқчи эмаслиги ҳақида хабар берилганди.
Жамшидбек Амиров
