Коутиньо “Барса”дан кетмоқчи эмас
Футболчи нима сабабдан клубни тарк этишни хоҳламаётгани маълум бўлди.
Яқинда жамоани қабул қилиб олган Хави “Барселона"нинг келажаги ҳақида қарор қабул қилишдан олдин Филиппе Коутиньо билан гаплашиб олмоқчи.
Футболчининг ўзи эса қишги трансферлар ойнасида жамоадан кетишни истамаяпти. У мавсумни “Барселона” сафида якунламоқчи. Агар, клубда ишлари юришиб кетмайдиган бўлса, ёзда бошқа вариантларни ўрганиб чиқишга қарор қилган.
Маълумот ўрнида: “Кўк-анорранглилар”нинг собиқ устози Роналд Куман ушбу мавсум 29 ёшли ярим ҳимоячига ўйнаш учун имконият берганди, бироқ ярим ҳимоячи “Барса”нинг асосий таркибидан жой ололмади.
Аввалроқ “Барселона” янги трансферни амалга оширмоқчилиги ва ушбу клубда норозичилик бошлангани ҳақида хабар берилганди.
Жамшидбек Амиров
