Трамп ҳаммани битталаб "сўкиб чиқди"

 

АҚШнинг собиқ президенти Дональд Трамп ўзидан олдинги ҳамкасбларидан фарқли равишда хотираларини чоп этиш учун узоқ вақт кутмади. У Оқ уйни тарк этганидан 1 йилдан кўпроқ вақт ўтиши билан “Биргаликдаги саёҳатимиз” (Our Journey Together) номли хотира китобини эълон қилди.

 

Бу китоб олдингиларидан тубдан фарқ қилади. Гарчи катта реклама кампаниялари олиб борилмаган бўлсада, китоб муаллифга ўнлаб миллионлаб доллар фойда келтирди.

 

Мемуар расмлар тўплами кўринишида чоп этилган. Аммо бу расмлар эксклюзив саналмайди, олдин ҳам бир неча марталаб эълон қилинган.

 

Китобнинг қимматли жиҳати – Трампнинг ҳам бир расмга алоҳида изоҳ берганидир.

 

Китоб ношири, республикачи Серхио Горнинг айтишича, Трамп тарафдорларига айнан улар хоҳлаган нарсани берган. Мемуарда тўпланган 300 та расм орасида сиёсатчиларнинг расмлари ҳам бўлиб, собиқ президент айрим жойларда уларни ҳақоратлаб кетган. Масалан, вакиллар палатаси спикери Нэнси Пелоси ҳақида гапирар экан, уни “ақлдан озган Нэнси” деб атаган:

 

“У бақирарди, баргга ўхшаб титрарди, шунинг учун ҳам “ақлдан озган Нэнси” номини олган”.

 

Китобнинг Трампнинг дастхати туширилган нусхаси 230, дастхатсиз нусхаси 75 доллардан сотилмоқда. Китобнинг биринчи партияси 200 минг нусхада чоп этилди айни пайтда яна 300 минг нусха нашр қилинмоқда.

 

Трамп айни пайтда кейинги президентлик сайловига тайёргарликни бошлаган. Бир неча кун олдин унинг штаби сайловолди кампаниясига пул йиғиш учун президент билан кечки овқат дастурини эълон қилди.

 

Шарофат Маҳмудова