Тошкентда яна автобус ёниб кетди
Куни кеча "Абу Сахий" савдо мажмуаси олдида ҳам 147-йўналишда қатновчи йўловчи автобусида ёнғин чиққанди.
Бугун, 28 январь куни соат 10:50 да Тошкент шаҳар Яккасарой тумани «Қушбеги» МФЙ Ш.Руставели кўчасида ҳаракатланиб кетаётган «Merсedes-Benz» русумли ўйловчи ташишга мўлжалланган 9T-йўналишидаги автобусда ёнғин содир бўлган.
ФВБ маълумотига кўра, ҳайдовчи автобуснинг мотор қисмида носозликлар юзага келганлиги учун, йўловчиларни тушириб автосаройга қайтаётган вақтда двигателда ёнғин келиб чиққан.
Шунга кўра 1 та ёнғин-қутқарув экипажи соат 10:54 да воқеа жойига етиб бориб, ёнғин соат 10:58 да бартараф этилган.
Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
"Абу Сахий" савдо мажмуаси олдида ҳам 147-йўналишда қатновчи йўловчи автобусида ёнғин чиққанди.
