Франциялик фуқаро Атлантика океани марказида бир ўзи қолиб кетди
Яхтада бўрон пайтида бошқарув мосламаси ишламай қолган.
“Адмирал Горшков” фрегати бошчилигидаги Шимолий флот ҳарбий кемалари отряди денгизчилари Атлантика океанида ҳалокатга учраган яхтадан Франция фуқаросини қутқарди. Бу ҳақда Россия Мудофаа вазирлиги хабар берди.
“Шимолий флот ҳарбий кемалари отрядидан Атлантика океанининг марказий қисмида узоқ масофали миссияларни бажараётган танкер экипажи ҳалокатга учраган яхтадан фавқулодда сигнал олди. Ёрдам бериш учун экипаж маршрутдан четга чиқиб, авария содир бўлган ҳудудга йўл олди”, — дейилади хабарда.
Текширув гуруҳи яхтага яқинлашиб, бир эркакни шахсий буюмлари ва ити билан Россия танкери бортига олиб кетган.
Қутқарилган шахс Франция фуқароси Лукас Монтеу бўлиб, у Атлантика океанида ёлғиз саёҳат қилган. Яхтада бўрон пайтида бошқарув мосламаси ишламай қолган ва яхтага сув кира бошлаган.
