Наврўз байрами кунлари пойтахтда автобуслар қай тартибда ҳаракатланади?
"Тошшаҳартрансхизмат" жамоат транспорти фаолияти тартибини тасдиқлади.
Наврўз байрами кунлари Тошкентдаги жамоат транспортининг ҳаракат тартиби маълум бўлди. Бу ҳақда Тошшаҳартрансхизмат” дея хабар берди.
Наврўз байрамини нишонлаш мақсадида 18-22 март кунлари дам олиш, 25 март эса иш кунлари этиб белгиланганлиги муносабати билан, жамоат транспорти фаолияти тартиби тасдиқланди.
Жадвал:
18 март — шанба кунлари учун тасдиқланган жадваллар асосида;
19, 20, 21, 22 март — якшанба кунлари учун тасдиқланган жадваллар асосида;
25 март — иш кунлари учун тасдиқланган жадваллар асосида.
Эслатиб ўтамиз, Президент фармонига кўра, 5 кунлик иш ҳафтасида ишлайдиган ходимлар — 5 кун, 6 кунлик иш ҳафтасида ишлайдиганлар – 4 кун дам олади.
Маълумот учун: Тошкентда Наврўз байрами муносабати билан қатор тадбирлар ўтказилади.Тадбирлар 22 мартгача ҳар куни, 23 мартдан 15 апрелга қадар эса ҳафтанинг ҳар шанба ва якшанба кунлари соат 18:00 дан 21:00 га қадар бўлиб ўтади.
