0
Тошкентдан Чорвоққа автобус қатнови йўлга қўйилди
Автобуслар ҳар куни учта график асосида ҳаракатланади.
Тошкент вилоятига келувчи хорижий ва маҳаллий сайёҳларга қулайлик яратиш мақсадида пойтахтдан Тошкент вилоятининг Бўстонлиқ туманига («Чорвоқ» эркин туристик зонасига) график асосида қатновчи автобуслар ҳаракати йўлга қўйилди.
Транспорт вазирлигининг хабар беришича, автобуслар «Машинасозлар метро бекати – Чорвоқ» йўналишида ҳар куни учта график асосида ҳаракатланади. Йўналишда йўловчилар белгиланган манзилга 1 соат 10 дақиқада етиб боради.
Қайд этилишича, автобуслар Машинасозлар метро бекатидан ҳар куни соат 7:00, 13:00 ва 18:00 да жўнайди. Чорвоқдан эса 6:00, 11:00 ва 16:00 да ҳаракатланади. Ушбу йўналишда йўлкир нархи 15 000 сўм этиб белгиланган.
