0
Бугундан Тошкентдаги 154-сонли автобус йўналиши ўзгарди
Бу ҳақда «Тошшаҳартрансхизмат» АЖ маълум қилди.
Бугун, 21 июндан бошлаб, "4-Автобус саройи" филиалига бириктирилган 154-сонли “Зангиота юқумли касалликлар шифохонаси — Олчазор маҳалласи” автобус йўналиши ҳаракати “Бобур маҳалласи”дан Бобур, С.Жўраев, Янги Сергели йўли, Қипчоқ кўчалари, 4П21 ҳалқа йўли орқали Зангиота юқумли касалликлар шифохонасигача ўзгартирилди.
«Тошшаҳартрансхизмат» АЖ Ахборот хизматининг хабарига кўра, йўналиш номи 154-сонли “Бобур маҳалласи — Зангиота юқумли касалликлар шифохонаси” этиб белгиланди.
Қайд этилишича, мазкур ўзгартиришлар йўналишлар тармоғини мувофиқлаштириш, ҳаракат таркибларидан самарали фойдаланиш, йўловчиларга кўрсатилаётган транспорт хизматлари сифатини ошириш мақсадида амалга оширилди.
