Ўзбекистон четга рекорд миқдорда пиёз экспорт қилди
Ўзбек пиёзининг асосий харидорлари Қозоғистон ва Россия бўлди
Ўзбекистондан пиёз экспортига қўйилган чекловлар бекор қилинган кундан деярли тўрт ой ўтди ва ўтган давр мобайнида ушбу маҳсулот рекорд ҳажмда ташқи бозорларга етказиб берилди. Ўзбек пиёзининг асосий харидорлари Қозоғистон ва Россия бўлиб, улар умумий экспортнинг деярли 90 фоизини ташкил қилади, дейди EastFruit таҳлилчилари.
Ўзбекистон пиёз экспортига қўйилган чекловни 2023 йил 15 мартдан — ушбу маҳсулот экспорти тақиқланган кундан бошлаб икки ойдан камроқ вақт ичида бекор қилди. Дастлабки савдо статистик маълумотларига кўра, экспорт чеклови бекор қилинган кундан бошлаб 3,5 ой давомида – жорий йилнинг март ўрталаридан июнь ойи охиригача ташқи бозорларга 222,8 минг тонна пиёз жўнатилди, бу эса ўтган йилга нисбатан 53 фоизга кўпдир.
Шунингдек, жорий мавсумда ушбу маҳсулотлар экспорти географияси кескин кенгайганига қарамай, кўриб чиқилаётган даврда ўзбек пиёзи умумий экспортининг 95 фоизи ЕОИИ мамлакатлари бозорларига етказиб берилди:
-
Қозоғистон – 129,4 минг тонна (умумий экспортнинг 58,1 фоиз);
-
Россия - 70,1 минг тонна (31,4 фоиз);
-
Қирғизистон – 8,1 минг тонна (3,6 фоиз);
-
Беларус - 4,8 минг тонна (2,1 фоиз).
Май ойининг охиридан июнь ўрталаригача бўлган сезиларли пасайишдан сўнг, сўнгги уч ҳафта ичида Ўзбекистонда пиёз нархи бир хил даражада барқарор бўлди. Кейинги уч ҳафтада – 2023 йил 16 июндан 7 июлгача Ўзбекистонда пиёзнинг ўртача улгуржи нархи 2500 сўм/кг даражасида барқарорлигича қолмоқда.
