0
Давлат харидларидаги қонунбузилиши ҳолатлари бартараф этилмоқда
Коррупцияга қарши курашиш агентлиги томонидан давлат буюртмачилари амалга ошираётган харидларда қонунчилик талабларига риоя қилиниши ҳолатларини мониторинг қилиш ишлари давом эттириляпти.
Коррупцияга қарши курашиш агентлиги томонидан айрим давлат буюртмачилари амалга ошираётган харидларда қонунбузилиши ҳолатлари аниқланди.
Жумладан:
- Зафаробод туман болалар ва ўсмирлар спорт мактаби буюртмачилигидаги 286,0 млн сўмлик;
- Қорақалпоғистон Республикаси Жўқорғи кенгеси буюртмачилигидаги 912,4 млн сўмлик;
- Самарқанд шаҳридаги Президент мактаби буюртмачилигидаги 311,8 млн сўмлик;
- Қизилтепа туман йўллардан фойдаланиш унитар корхонаси буюртмачилигидаги 300,0 млн сўмлик давлат харидида соҳага оид қонунчилик талабларига амал қилинмаган.
Мазкур ҳолатлар бўйича Агентлик томонидан харид комиссияларининг баённомаларини бекор қилиш тўғрисида буюртмачиларга тақдимномалар киритилиб, қонунбузилиши ҳолатларии бартараф этилди.
