ИҲТнинг 16-саммити: журналистлар яратилган шароитлар ҳақида гапирди
Саммитни ёритиш учун 10 дан ортиқ давлатдан 150 дан ва 100 дан зиёд маҳаллий ОАВ вакиллари аккредитациядан ўтган.
Саммитни ёритиш учун 10 дан ортиқ давлатдан 150 нафардан зиёд ОАВ вакили ва 100 дан зиёд маҳаллий ОАВ вакиллари аккредитациядан ўтган.
Камран Қасимов, Real TV (Озарбайжон):
— Ўзбекистонда меҳмонга ҳурмат кўрсатиш жуда юқори савияда. Олдин ҳам юртингизга келганимда бунга гувоҳ бўлганман. Бугунги ташкилотчилик ҳам аъло даражада. Ҳатто савол беришимизга имкон қолдиришмаяпти, ҳамма нарса муҳайё қилинган.
Зумруд Пашаева, АPA ахборот агентлиги (Озарбайжон):
— Мен Иқтисодий ҳамкорлик ташкилотининг 16-саммитини ёритиш учун Тошкентга келганимдан жуда ҳам хурсандман. Тайёргарлик масаласига тўхталсам, барчаси аъло даражада.
Аҳмед Акгул, TRT Haber (Туркия):
— Дунёнинг турли давлатларида шу каби нуфузли халқаро симпозиумларда иштирок этганмиз. Агар қиёслаш лозим бўлса, бу ерда – Тошкент мезбонлик қилаётган ИҲТ 16-саммитини ёритишга келган ОАВ вакиллари учун яратилган имконият ва шароитлар бир поғона юқори даражада дейишимиз мумкин.
Шаҳноз Комилзода, Iran TV International мухбири:
— Тошкент шаҳрида бўлиб ўтаётган Иқтисодий ҳамкорлик ташкилотининг 16-саммити доирасида оммавий ахборот воситалари учун юқори савияда тайёргарлик кўрилган. Барча шароитлар юксак даражада ташкил этилган.
Осиё Абдуллаева, UzReport TV (Ўзбекистон):
— Иқтисодий ҳамкорлик ташкилотининг 16-саммити жараёнларини ёритиш учун матбуот марказидамиз. Бу ерда интернет, умуман техник томонлама барча шароитлар яратилган.
