Андижонда пиёдани уриб, воқеа жойидан қочган ҳайдовчи ушланди
Аввалроқ ҳолат бўйича жиноий иш қўзғатилиб, haydovchiga қидирув эълон қилинганди.
Аввалроқ Андижон вилояти Олтинкўл туманида фуқаро Nexia-2 русумли автомашинасида 25 ёшли У.О.ни уриб юбориб, воқеа жойидан қочиб кетгани хабар қилинганди. Шундан сўнг ҳайдовчи қидирувга берилган.
Вилоят ИИБ ЙҲХБ ахборот хизматининг маълум қилишича, тезкор қидирув ҳаракатлари натижасида ҳайдовчи— 24 ёшли фуқаро С.М. Балиқчи туманидан топилиб, ушланган.
Ушбу ЙТҲ оқибатида фуқаро У.O. тан жароҳати олиб туман шифохонасига ётқизилган. Кўрсатилган тиббий ёрдамга қарамай, у вафот этган.
Ҳозирда мазкур ҳолат юзасидан Олтинкўл тумани ИИБ тергов бўлими томонидан суриштирув ишлари олиб борилмоқда.
