Декабрь ойи совуқ бўлмайди — Ўзгидромет
Республикада қишнинг биринчи ойи илиқ келиши кутиляпти.
Ўзбекистонда декабрь ойида кутилаётган узоқ муддатли об-ҳаво прогнози эълон қилинди.
Дастлабки ҳисоб-китобларга кўра, декабрь ойи совуқ бўлмайди. Ўртача ойлик ҳарорат меъёрдан юқори, баъзи ҳудудларда меъёр атрофида бўлади.
Шунингдек, ҳаво ҳарорати кечаси 1-6 даража совуққача, шимолда 8-13 даража совуққача пасайиши ҳолатлари кузатилади.
Энг иссиқ кунларда ҳаво ҳарорати +15-18 даражагача, жанубда +20-22 даражагача кўтарилади.
Декабрь ойи бошланиши қиш учун хос бўлмаган илиқ об-ҳаво билан бошланади. Ойнинг биринчи ҳафтасида Ўзбекистон бўйлаб ёғингарчиликсиз, қуруқ, ҳаво ҳарорати кечалари +2-7°С, кундузлари +13-18°С илиқ бўлиши кутилмоқда.
Кейинчалик, ойнинг охиригача ҳаво ҳарорати кечалари 5-8 даража илиқдан 3-6 даража совуққача, кундузлари 15-18 даража илиқдан 2-5 даражагача илиқ бўлиши кутилмоқда
