Дунёдаги биринчи гибрид контейнер кема яратилди
У икки хил ёнилғида ҳаракатлана олади.
Шанхайда паст углеродли юк ташиш технологияси билан жиҳозланган, дунёдаги биринчи икки хил ёнилғида ҳаракатлана оладиган контейнер кемаси франциялик буюртмачиларга топширилди.
Хитойнинг энг йирик кемасозлик компанияси томонидан қурилган кема Жанубий Америка йўналишида сузиб юриши режалаштирилган. Унинг узунлиги 336 метр ва эни 51 метр бўлиб, экологик тоза контейнер кемаларининг янги авлодидир.
Шунингдек, унга улкан шамол дефлектори ўрнатилган бўлиб, сузиб кетаётганда ёқилғи сарфини 2-4 фоизга тежайди.
