Наманганда қоғоз ишлаб чиқарувчи корхона давлатга 340 млн зарар етказди
Корхона яширин йўл билан газдан ноқонуний фойдаланган.
Наманган вилоятида қоғоз ишлаб чиқариш корхонаси табиий газдан ноқонуний фойдаланиши натижасида тизимга 340,8 млн сўмлик зарар етказганлиги аниқланди. Бу ҳақда Энергетика вазирлиги хабар берди.
Қайд этилишича, Янги Наманган туманида жойлашган «В.С.Қ.» МЧЖга қарашли қоғоз ишлаб чиқариш корхонаси яширин йўл билан тармоққа уланиши орқали табиий газдан ноқонуний равишда фойдаланиб келган.
Дастлабки ҳисоб-китобларга кўра, мазкур МЧЖ томонидан давлат манфаатларига жами 340 млн 800 минг сўмлик (227 минг 200 метр куб) зарар етказилган.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза этувчи органларга тақдим қилинган.
