Қашқадарёда 2,5 ёшли бола боғчада вафот этди
У машинада димиқиб вафот этгани айтилмоқда.
Қашқадарё вилояти Косон туманида мактабгача таълим тарбияланувчиси вафот этди. Бу ҳақида Бош прокуратура матбуот хизмати хабар берди.
Қайд этилишича, ҳолат юзасидан терговга қадар текширув ҳаракатлари олиб борилмоқда. Марҳума қизнинг ўлим сабабини аниқлаш мақсадида суд-тиббий экспертизаси тайинланган.
“Текшириш ҳаракатлари ҳар томонлама, тўлиқ ва холисона ўтказилиши ва натижаси бўйича қонуний қарор қабул қилиниши таъминланади”, дейилади муносабатда.
