«Йил ўқитувчиси» танлови: Қорақалпоғистонлик педагог 50 минг доллар мукофотни қўлга киритди
Республика бўйича 208 нафар, Қорақалпоғистондан эса 17 нафар ўқитувчи ушбу танловда ғолиб деб топилди.
Қонликўл туманидаги 2-сонли мактаб ўқитувчиси Нигора Алламбергенова яратиб берилаётган имкониятлар натижасида бугунги кунда у «Йил ўқитувчиси» танловида ғолиб бўлганини ҳамда 50 минг доллар билан мукофотланганини билдирди. Бу ҳақда Президент Шавкат Мирзиёевнинг Қорақалпоғистонга ташрифи давомида маълум қилинган.
Маълумот ўрнида, Республика бўйича 208 нафар, Қорақалпоғистондан эса 17 нафар ўқитувчи ушбу танловда ғолиб деб топилди.
Педагог, шунингдек, Қонликўл туманида 2019 йилдан буён техникум биносида фаолият олиб борган 1-сонли мактаб Президент топшириғи билан бу йил қайта қуриб берилганини қайд этган.
Янги мактаблар, янги имкониятлар ва устоз-мураббийларни қўллаб-қувватлаш — таълим соҳасидаги ислоҳотларнинг амалий натижасини белгиламоқда.
Қорақалпоғистонлик ўқитувчи Нигора Алламбергенованинг «Йил ўқитувчиси» танловида ғолиб бўлиши бу имкониятлар педагогларнинг ўз салоҳиятини намоён этишига хизмат қилаётганини кўрсатади.
