Тошкентда иссиқлик рекорди янгиланди
Аввалги йилларда бу даражадаги иссиқлик ҳеч қачон кузатилмагани айтилмоқда.
Кеча, 4 июль куни, Тошкент шаҳрида ҳарорат +43.5 даражагача кўтарилиб, тарихий рекорд ўрнатилди. Бу ҳақда Ўзгидромет хабар берди.
«Тўшкент-Обсерватория» метеорология станциясининг маълумотига кўра, бу қиймат пойтахтда шу сана учун кузатилган энг юқори ҳарорат сифатида қайд этилди.
Аввалги йилларда 4 июль санасида бу даражадаги иссиқлик ҳеч қачон кузатилмаган. Мутахассислар бу ҳолатни глобал иқлим ўзгаришлари билан боғламоқда.
Шунингдек, аҳолига саломатликка эътиборли бўлиш, кўпроқ суюқлик ичиш ва тўғридан-тўғри қуёш остида узоқ вақт қолмаслик тавсия этилмоқда.
