Трамп Кубада янги операция бошлаши мумкин
АҚШ президенти Кубада яқин орада “янги тонг” бошланиши мумкинлигини билдирди.
АҚШ президенти Доналд Трамп Кубада яқин орада “янги тонг” бошланиши мумкинлигини айтиб, мамлакатга нисбатан эҳтимолий операцияга ишора қилди. Бу ҳақда у Турнинг Po USA тадбиридаги нутқи давомида маълум қилган.
Трампнинг таъкидлашича, кубаликлар ўнлаб йиллар давомида кутилган ўзгаришлар арафасида турибди. У АҚШ зарур ҳолларда мамлкатга аралашишини билдириб, бу жараён Куба халқига “узоқ кутилган эркинлик” олиб келиши мумкинлигини қайд этди.
АҚШ раҳбари чиқиши давомида ўзини “тинчликпарвар” сифатида таърифлаб, мамлакат унинг ҳокимиятга келишидан аввал заифлашганини, ҳозир эса бу қарашлар ўзгарганини урғулади. Шунингдек, у илгари “саккизта урушни якунлагани”ни ҳам эслатиб ўтди.
Айни пайтда, Трампнинг Кубага оид бундай баёнотлари илк бор янграётгани йўқ. Defense Express нашрининг ёзишича, оролда эҳтимолий таҳдидларга қарши мудофаа тайёргарлиги кучайтирилган.
