Ҳаракатланаётган икки автомобиль устига дарахт қулаб тушди
Ҳодиса оқибатида жароҳатланганлар йўқ.
Жорий йилнинг 2 сентябрь куни соат 05:32 да Тошкент шаҳри Мирзо Улуғбек тумани «Шаҳрисабз» МФЙ, Махтумқули кўчаси 1-уй қаршисида дарахт синиб, ҳаракатланаётган икки автомобиль устига қулаб тушди. Бу ҳақда Тошкент шаҳар ФВББ хабар берди.
Ҳодиса жойига зудлик билан қутқарув экипажлари ҳамда тегишли ҳамкорликдаги хизматлар жалб этилган.
Кўрилган тезкор чоралар натижасида йўлдаги тўсиқлар бартараф этилиб, транспорт воситаларининг ҳаракати қайта тикланган.
Ҳодиса оқибатида фуқаролар тан жароҳати олмаган.
