2025 йил 1 августдан бошлаб, чиқиндиларни тўплаш ва олиб чиқиш хизматлари бўйича қарздорликни бартараф этмаган абонентлар учун электр энергияси тўловини амалга ошириш имконияти вақтинчалик чекланади. Бу янги тартиб 2025 йил 7 мартдаги 1044-сонли Қонунга мувофиқ жорий этилмоқда.
Янги механизм қуйидагича ишлайди:
– Ҳар ойнинг 3-санасига қадар чиқинди хизматлари бўйича қарздор абонентлар тўғрисидаги маълумотлар “Тоза макон” биллинг тизимидан “Ҳудудий электр тармоқлари” АЖ биллинг тизимига узатилади.
– Кейин, ҳар ойнинг 5-санасигача ушбу абонентларга “2100” қисқа рақамидан SMS-хабарнома юборилади.
– Огоҳлантириш юборилгандан сўнг қарздорликни тўлаш учун 5 кунлик муддат берилади.
– Агар қарздорлик ушбу муддат ичида бартараф этилмаса, электр энергияси тўловларини амалга ошириш имконияти вақтинчалик чекланади.
– Қарздорлик тўланганидан сўнг чеклов автоматик тарзда ечилади.
Ушбу тартиб 2025 йил 1 июлдан бошлаб юзага келган қарздорликларга нисбатан қўлланилади. Яъни, 2025 йил 30 июнгача бўлган қарздорликлар ушбу чекловга татбиқ этилмайди.
Санитар тозалаш корхоналари хизматларнинг ҳисоб-китоби, аниқлиги ва сифати учун жавобгардир. Агар хизмат сифатсиз ёки вақтида кўрсатилмаган бўлса, абонент фойдасига қайта ҳисоб-китоб қилинади.